Technology Khabar १७ बैशाख २०७३, शुक्रबार
काठमाडौं ।
काठमाडौं, १७ वैशाख । सामसुंगले आफ्नो पूर्व निर्धारित समय अनुसार नै गियर ३६० क्यामरा (Gear 360 Camera) सार्वजनिक गरेको छ । यो गियर ३६० क्यामरा यो वर्षको मोबाइल वल्र्ड कंग्रेसमा घोषणा गरिएको थियो ।
यो गियर ३६० क्यामरा हाल कम्पनीको गृह देश दक्षिण कोरियामा खरिदका लागि उपलब्ध रहेको छ । सामसुंगको गियर ३६० क्यामरा हाल अनलाइनमा लिस्टेड भएपनि यो छिटै अन्य स्टोरहरुमा पनि उपलब्ध हुने कम्पनीले उल्लेख गरेको छ ।
सामसुंगले सार्वजनिक गरेको गियर ३६० क्यामराको मूल्य ३,९९,३०० कोरियाली वन अर्थात करिब ३५० अमेरिकी डलर तोकेको छ ।
यो डिभाइस कोरिया बाहेक अन्य केहि मुलुकहरुमा पनि उपलब्ध हुने अनुमान गरिएको छ । तर यो डिभाइस अमेरिकामा भने उपलब्ध नहुने केहि विज्ञहरुले उल्लेख गरेका छन् ।
यो क्यामराले ३६० डिग्री एंगलमा भिडियो खिच्दछ भने ३६० डिग्री एंगलमा सेल्फी पनि खिच्न सकिन्छ । यो क्यामरालाई आफ्नो फोनसँग सिन्क्रोनाइज गरेपछि यसमा भएका फोटो तथा भिडियोहरु आफ्नै स्मार्टफोनबाट हेर्न सकिन्छ ।
यसको प्रयोगको बारेमा सामसुंगले यू ट्यूबमा एउटा भिडियो पनि राखेको छ जसले यो क्यामराको विशेषताहरुको बारेमा जानकारी दिन्छ ।
प्रकाशित: १७ बैशाख २०७३, शुक्रबार