Technology Khabar ९ मंसिर २०७१, मंगलवार
काठमाडौं ।
काठमाडौं, ९ मंसिर । एचटीसी चीनले डिजायर ८२०एस (HTC Desire 820s) को प्रि-अर्डरको बारेमा जानकारी दिएको छ । कम्पनीले दिएको रिपोर्ट अनुसार चीनमा १.२६ मिलियन अर्थात १२ लाख ६० हजार मानिसहरुले यो फोनको लागि प्रि-अर्डर गरेका छन् ।
कम्पनीले चीनियाँ सोशल नेटवर्क साइट क्यूजोन (Qzone)मा एक पोष्ट गरेर यसको बारेमा जानकारी दिएको थियो । जानकारी अनुसार प्रि-अर्डर शुरु भएपछि १.२६ मिलियिन व्यक्तिहरुले यो फोनको लागि रजिष्ट्रेशन गरेका छन् । रिपोर्टका अनुसार त्यसबेला एचटीसी डिजायर ८२०एस को ५० हजार यूनिट मात्र उपलब्ध रहेको थियो ।
विशेषत: डिजायर ८२० एस डिजायर ८२० फ्ल्यागशिप स्मार्टफोनको प्रोसेसर अक्टा कोर भेरियन्ट हो । १.७ गीगाहर्जको ६४ बिट अक्टा कोर प्रोसेसरका साथै यो फोनमा ५.५ इन्चको एचडी स्क्रीन राखिएको छ । यो फोनको रियर क्यामरा १३ मेगापिक्सलको छ भने ८ मेगापिक्सलको फ्रन्ट क्यामरा रहेको छ ।
यो फोनको क्यामराले निकै कम प्रकाशमा पनि राम्रो तस्विर खिच्ने कम्पनीको दाबी छ । फोनमा २ जीबीको र्याम राखिएको छ भने १६ जीबीको इन्टरनल मेमोरी पनि छ, जुन एसडी कार्डको माध्यमबाट १२८ जीबीसम्म थप गर्न सकिन्छ ।
यसमा २६०० एमएएच क्षमतको ब्याट्री छ भने किटक्याट ४.४ अपरेटिङ सिष्टममा आधारीत रहेको छ । फोनमा फोर जी कनेक्टिभिटीको सुविधा पनि छ जुन १५० एमबीपीएस सम्मको स्पीडमा चल्दछ । त्यसैगरी फोनमा स्टेरियो अडियो ज्याक, ब्लूटूथ, वाइफाई पनि राखिएको छ ।
यो पनि हेर्नुहोस्-
https://technologykhabar.com/htc-desire-820-smartphones-features/
प्रकाशित: ९ मंसिर २०७१, मंगलवार